"Саллаат кута" өйдөбүнньүк

Саллаат КУТА өйдөбүнньүк.

“Саллаат КУТА” өйдөбүнньүк 2015 с. Сахабыт Республикатыгар биллэр архитектор Лукин Сергей Иннокентьевич эскиһынан Ильин Михаил Михайлович салайааччылаах “Регион-Север” ХЭТ оҥорбут проегынан тутуллубута.    Сергей Иннокентьевич төрдө Хара. “Сэрии кэмигэр Сталин аатынан колхуос күүстээх үлэтин оҕо эрдэхпиттэн истибитим. Онон өбүгэлэрим сиригэр өйдөбүнньүк оҥорорго эбээһинэһим”, – диэн сөбүлэҥин биэрбитэ. Лукин С.И. ааптар быраабынан куонкурса суох 2015 сыл сааһыттан үлэни саҕалаабыта уонна Кыайыы ыһыаҕын күн түмүктээбитэ.  Кыайыы искибиэрин киэргэлэ буолбут, Аҕа дойду Улуу сэриитигэр баран охтубуттарга умуллубат төлөннөөх “Саллаат КУТА” обелиск дириҥ ис хоһоонноох. Обелиск сүрүн композиционнай барыла (тутула) сэриигэ өлбүт саллаат дьиэ кэргэнин огдолуйбут олоҕун көрдөрөр, алдьаммыт сирэй оһох көҥдөй холумтанын санатар. Ортотугар салгыҥҥа хаалбыт өйдөбүл  сулустаах саллаат уҥуоҕун силуэта көстөр. Обелиск үс атаҕа саллаат үс кутун кэрэһитэ. Өйдөбүнньүк кылаан чыпчаалыгар Хаҥалас  улууһун тулхадыйбат тутула, түөһүгэр эргийэ турар күн бэлиэлээх, Тойон кыыл бэйэтинэн олорор.
2015с. бэс ыйын 23 күнүгэр саҥа искибиэр аһыллыытын үөрүүлээх тэрээһинэ ыытыллыбыта.