“Аҕа дойду улуу сэриитин кыттыылаахтара” бетонтан өйдөбүнньүк.

1970 сыллаахха, от ыйыгар, Улуу Кыайыы 25 сылын туолуутугар сэрии бэтэрээнэ Баланов Николай Егорович көҕүлээһининэн, этиини нэһилиэнньэ барыта өйөөн, оччотооҕу баар бэтэрээннэр 25-тии солкуобай харчынан үбүлээһиннэринэн, сырдык дууһаларын сэрии фронугар хаалларбыт буойуннары чиэстээн, кинилэри үйэттэн үйэ тухары санатар сыалтан Таатта улууһуттан Решетников Михаил Михайлович бырайыагынанбетонунан пааматынньык уопсай субуотунньук күүһүнэн тутуллубута.
1985 сыллаахха кэлин нэһилиэккэ тутуу баран центральнай хочуолунай аттыгар турар буолан хаалбытын саҥа кулууп территориятыгар көһөрбүттэр.
2009 сыллаахха Кыайыы 65 сылын көрсө искибиэр территориятыгар көһөрүллүбүтэ.
2015с. ахсынньы 21 күнүгэр Саха Өрөспүүбүлүкэтин Култууратын министиэристибэтин иһинэн үлэлиир култуура объектарын, өйдөбүнньүктэрин учуотун ыытар, кэтиир, үйэтитэр отделын салайааччытыгар Г.М.Терентьевка  425 №-дээх нэһилиэк баһылыга Д.И.Назарова илии баттааһыннаах бетонтан өйдөбүнньүк туһунан  ыспараапка оҥоһуллан барбыта.
2016с. олунньу 16 күнүттэн 22 күнүгэр диэри 569 №-дээх РФ Правительствотын 2009 сыллааҕы уурааҕар  олоҕуран эксперт Николай Михайлович Черосов экспертиза оҥорон 7 страницалаах историко-культурнай государственнай Актаны суруйбута.
2020 с. тохсунньу 29 күнүгэр Саха Өрөспүүбүлүкэтин Култууратын министиэристибэтин иһинэн үлэлиир култуура объектарын, өйдөбүнньүктэрин учуотун ыытар, кэтиир, үйэтитэр отделын салайааччытыгар Г.М.Терентьевка  034 №-дээх нэһилиэк баһылыга Д.И.Назарова илии баттааһыннаах бетонтан өйдөбүнньүк туһунан  ыспараапка суруллан барбыта.